Gen 42 | Ndebele | STEP | UJakobe esebonile ukuthi kukhona amabele eGibhithe , uJakobe wathi emadodaneni akhe: Kungani likhangelana?

m42:34, 43:5, 44:23

n Jobe 36:8,9

o 37:21

p 9:5; 2 Lan 24:22; Hlab 9:12; Luka 11:50,51

r42:35, 43:21

y 27:45, 43:14; Levi 26:22; 1 Sam 15:33; 2 Sam 17:8; Zaga 17:12; Jer 18:21; Hos 13:8

z 46:9

aa 42:13,32,36

ab42:4, 44:29

ac37:35, 44:31

Genesis 42

Abafowabo bakaJosefa baya eGibhithe

1 UJakobe esebonile ukuthi kukhona amabele eGibhithe ^a, uJakobe wathi emadodaneni akhe: Kungani likhangelana? 2 Wathi futhi: Khangelani, sengizwile ukuthi kukhona amabele eGibhithe; yehlani liye khona, lisithengele khona, ukuze siphile, singafi ^b. 3 Abafowabo bakaJosefa abalitshumi basebesehla ukuthenga amabele eGibhithe. 4 Kodwa uBhenjamini ^c, umfowabo kaJosefa, uJakobe kamthumanga labafowabo, ngoba wathi: Hlezi ehlelwe yingozi ^d.

5 Amadodana kaIsrayeli asefika ukuthenga phakathi kwababesiza, ngoba indlala yayikhona elizweni leKhanani. 6 Njalo uJosefa wayengumbusi phezu kwelizwe ^e; wathengisela abantu bonke belizwe; bafika-ke abafowabo bakaJosefa, bamkhothamela ngobuso emhlabathini ^f. 7 UJosefa esebabonile abafowabo, wabazi, kodwa wazitshaya owemzini kubo, wakhuluma labo izinto ezilukhuni wathi kubo: Livela ngaphi? Bathi: Elizweni leKhanani, ukuthenga ukudla. 8 UJosefa wasebazi abafowabo, kodwa bona kabamazanga. 9 UJosefa wasekhumbula amaphupho awaphupha ngabo ^g, wathi kibo: Lizinhloli ^h, ukuzabona ubunqunu belizwe lizile. 10 Basebesithi kuye: Hatshi, nkosi yami; kodwa inceku zakho zize ukuthenga ukudla. 11 Thina sonke singamadodana andodanye; singabaqotho, inceku zakho kazisizo inhloli. 12 Wasesithi kubo: Hatshi, kodwa ukuzabona ubunqunu belizwe lizile. 13 Basebesithi: Thina, izinceku zakho, siyizelamani ezilitshumi lambili, amadodana andodanye elizweni leKhanani; khangela-ke, icinathunjana likubaba lamuhla, enye kayisekho ⁱ. 14 UJosefa wasesithi kubo: Yikho lokho engikutsho kini, ukuthi: Lizinhloli. 15 Kulokhu lizahlolwa; ngempilo kaFaro ^j! kalisoze liphume lapha, ngaphandle kokuthi kufike umfowenu olicinathunjana lapha. 16 Thumani omunye wenu, amlande umfowenu; kodwa lina lizabotshwa, ukuze kuhlolwe amazwi enu, ukuthi iqiniso likini yini; kodwa uba hatshi, impilo kaFaro! lizinhloli. 17 Wasebafaka ^{▼▼ wabafaka: Heb wababuthela.} esitokisini insuku ezintathu. 18 UJosefa wasesithi kubo ngosuku lwesithathu: Yenzani lokhu ukuze liphile. Ngiyamesaba uNkulunkulu ^l. 19 Uba lingabaqotho, kabotshwe omunye wabafowenu endlini yokulondolozwa kwenu, kodwa lina hambani, libuyele lamabele endlala ezindlu zenu, 20 lilethe umnawenu olicinathunjana kimi ^m; khona amazwi enu ezaqiniswa, ukuze lingafi. Basebesenza njalo.

21 Basebekhulumisana besithi: Isibili silecala ngomfowethu, ngoba sabona usizi lomphefumulo wakhe, nxa wasincenga, kodwa kasilalelanga; ngenxa yalokho sehlelwe yikuhlupheka lokhu ⁿ. 22 URubeni wasebaphendula wathi: Kangitshongo yini ukuthi: Lingoni kumfana ^o? Kodwa kalilalelanga. Ngakho legazi lakhe, khangelani, liyabizwa ^p. 23 Njalo bona babengazi ukuthi uJosefa uyezwa, ngoba kwakulomtoliki ^q phakathi kwabo. 24 Njalo wabafulathela, wakhala inyembezi; wasetshibilikela kubo, wakhuluma kubo; wasethatha uSimeyoni kubo, wambopha phambi kwamehlo abo.

25 UJosefa waselaya ukuthi bagcwalise amasaka abo ngamabele, lokuthi babuyisele imali yabo, ngulowo lalowo esakeni lakhe, lokuthi babanike umphako wendlela; basebesenza njalo kubo. 26 Basebesethwesa obabhemi babo amabele abo, basuka lapho. 27 Kwathi omunye evula isaka lakhe ^r ukuze anike ubabhemi wakhe ukudla endlini yezihambi ^s, wabona imali yakhe, ngoba khangela, yayisemlonyeni wesaka lakhe. 28 Wasesithi kubafowabo: Imali yami ibuyiselwe; futhi khangelani, isesakeni lami. Inhliziyo yabo yasisehluleka ^{▼▼ zasehluleka: Heb yaphuma.}, bathuthumela, omunye komunye besithi: Kuyini lokhu uNkulunkulu akwenze kithi?

29 Basebesiza kuJakobe uyise elizweni leKhanani, bamazisa konke abahlangene lakho, besithi: 30 Indoda, umbusi walelolizwe, wasihalada, wasithatha njengenhloli zelizwe. 31 Kodwa sathi kuye: Singabaqotho; kasisizo izinhloli; 32 sasiyizelamani ezilitshumi lambili, amadodana kababa; enye kayisekho ^u, lecinathunjana lamuhla likubaba elizweni leKhanani. 33 Lendoda, umbusi welizwe, wathi kithi: Ngalokhu ngizakwazi ukuthi lingabaqotho; tshiyani omunye wabafowenu kimi ^v, lithathele indlala yezindlu zenu ^w, lihambe, 34 lilethe umnawenu olicinathunjana kimi; khona ngizabona ukuthi kalisizo izinhloli kodwa lingabaqotho, ngilinike umfowenu, lithengiselane elizweni ^x.

35 Kwasekusithi sebethulula amasaka abo, khangela-ke, isikhwama semali salowo lalowo sisesakeni lakhe. Lapho bebona izikhwama zemali yabo, bona loyise, besaba. 36 UJakobe uyise wasesithi kubo: Liyangemuka abantwana ^y; uJosefa kasekho loSimeyoni kakho, loBhenjamini lizamthatha; zonke lezizinto zimelane lami. 37 URubeni wasekhuluma kuyise esithi: Bulala ababili kumadodana ami ^z, uba ngingambuyisi kuwe; mnikele esandleni sami, futhi mina ngizambuyisela kuwe. 38 Kodwa wathi: Indodana yami kayiyikwehla lani, ngoba umfowabo ufile ^aa, futhi yena usele yedwa; uba esehlelwa yingozi endleleni elihamba kuyo ^ab, lizakwehlisela engcwabeni izimvu zami ngosizi ^ac.